الطب في خطر ( يوميات طبيب لا يعرف عن الطب شيئا )

يوميات طبيب ((لايعرف عن الطب شيئا))بس مصرى


من ضمن الرسايل اللى بتوصلنى على الايميل ...
كانت طريقتها غريبه ...اعتقد انها من مدونة
طبيب بيحكى عن حاجات (الله اعلم صدق ولا كذب))
بس حبيت انقلها لانها يمكن تكون اقرب الى الحقيقة
,,,,,,,,,,,,,,
يوميات طبيب زُنبَجــى
- أنا لفيت كعب داير في المستشفيات

زملائي الأهزاء ...
نظرا لوجود أكثر من طبيب في عائلتي قبل تخرجي ..كنت قد شحنت معنويا قبل التخرج ضد وزارة الصحة والمستشفيات والمديرين ومشتقاتهم فعكفت عدة أيام لدراسة وتحليل قانون العاملين في الدولة 89 وتعديلاته اللآحقة فقط لأعرف كافة حقوقي وفقط لأكون فاعلا لا مفعولا به في منظومة الخوذقة الصحية في مصر ... والحمد لله ..كان حملي خفيف ..لسة مش متجوز ومعنديش عيال ومعنديش عيادة ولا عندي حاجه يتخاف عليها .. ومايلزمنيش دا حتى غالبا سجايري وسندوتشاتي وحاجه ساقعتي وبابا غنوجي ... بتجيلي غصب عني ونا في الشغل من الممرضات والمرافقين وبعض الزملاء الطبيبات اللاتي لم يدركهن دور التعيين في بيوت الزوجية ...اللي غالبا معجبين بلون شعري وعيني البني وكسرة البنطلون والبالطو مع استخدام عدة كلمات ملاطفة بسيطة لمن هم حولي
يعني معنديش حاجه أخاف عليها: وخلاصة تجربتي البسيطة أتشرف بأن أخبركم أني تسببت بالتالي حتى الآن:
1- نقل الطاقم الاداري كاملا بمستشفى جمصة المركزي عام 2003
وكدت أرفد معالي السيد الوزير شخصيا من منصبه وقتها حينما أغلقت المستشفى بنفسي وروحت البنات التمريض - عشان الجو برد والدنا فاضيه هناك وجاءت زيارة مفاجئة لرئيس الوزراء للمنطقة - عشان اتفاقية الكويز مع اسرائيل (ماهي جمصة دلوقتي نصها مصانع اسرائيلية) وحدث حادث على الطريق السريع فيها مجموعة من ظباط المخابرات وأنا السبب في اشارة اللاسلكي الشهيرة وقتها حينما ذعر المسعف وتحدث على الموجه المفتوحة لاسعاف الدقهلية وهو يحدث وكيل الوزارة - الذي غار في داهية بعد هاذا الموقف - ويقول له "ياريس المستشفى عليها جنزير مصدي شكلها ما اتفتحتش من سنه" ههههههههه ..أصل أنا ما لقيتش غير الجنزير دا عشان اقفلها بيه؟؟
--- طبعا وقتها كنت طبيب امتياز هههههههه معرفوش يعملو ليا حاجه --أصلا اسمي اتشال من الورق عشان انا لسة مش مؤهل والليلة شالوها البهوات اللي سابوني لوحدي
1- رفد مدير الادارة الصحية بمركز الحامول كفر الشيخ - وقتها كنت دكتور خبرة بقالي 3 شهور متعين تكليف في وحدة يعلم الله انها كانت بتشتغل السبت ساعتين فقط وباقي الأيام مضيفة للحبايب وكنت بوزع الدوى أول الشهر على الناس زي التموين عشان ما شفش خلاقهم لحد اخر الشهر ويومها كان عيد وأخدت عربية تنظيم الأسرة ولفيت على كل اصحابي الدكاترة وأخدتهم وقضينا يوم في مزرعة سمك واحد من حبايبنا .... وحصل مرور من طواري الوزارة على الوحدات ومرتها كنت السبب في المكالمة الشهيرة من السيد وكيل الوزارة لمدير ادارة الحامول - الحرامي الكبير - قاللو هوا ادارة الحامول الصحية اتلغت في التشكيل الجديد .. الله يخرب بيتك دا ماعندكش الا مستشفى الحامول اللي شغاله ...
2- تسببت في رفد مدير الوقائي ورئيس التطعيمات - ادارة مطوبس الصحية - حينما ذهبت له وقلتلو أنا مش هالف على البوت عشان اطعم حد في الحر شوف حد يعمل كدا غيري - أصلهم بيدو 33جنيه ونص للدكتور في الحملة بعد ما يطلع بوزو في الحر هوا وفريقو والبهوات الحرامية في الادارة ووكيل الوزارة ياخد الألفات اللي مخصصة للمشروع دا من برنامج سوزان مبارك أو منظمه الصحة - المهم البيه عسفني في مكتبو وشبه طردني ... طبعا طلعت طيلمان أمو وهزقت اللي جابو ورحت الوحدة ... وجبت زجاجة طعم وسخنتها على النار لبردتها لحد ما عملت لون زي التباشير وكتبت مذكرة وأخدتها وطلعت على المديرية وقابلت مدير الوقائي هناك وقلتلو في مكتبو قدام ناس تانية معاه = شكلهم مهمين = اني رحت للدكتور المدير عندنا وقلتلو الطعم اللي جالي بايظ قاللي مش مهم اديه للناس البهايم هوا فيه حاجه بتحوق فيهم !!!! وأنا جاي لحضرتك قبل ما أطلع على الوزارة في مصر والصحافة وأقول ان الحكومة عايزة تدي للناس طعم بايظ
3- تسببت في رفد أو نقل معظم القيادات في الأماكن اللي رحتها جميعا وكان آخرهم ينقلوني حتى ان بعض تنقلاتي كانت تعتبر ترقية في المكان وهو انا أخدت نيابة عناية مركزة في مكان محترم في اسكندرية وبروح الأيام اللي عاوزها 48 ساعة في الاسبوع وباخد نبطشياتي كاملة وحوافزي ومرتبي ومفيش دكر يعرف يعمللي حاجه عشان أول مارحت قعدت شهر كدا كامن في الذرا .. ألم المخالفات والتجاوزات والأخرام في المكان ومفيش أكتر منها في المنظومة الصحية وقلتلهم انا مستبيع وميهمنيش وعلى مكتب الوزير عدل ومعايا البلاوي دي .. طبعا هاكون فت على كام جرنال كدا لحد ما أوصلو .. والحمد لله ..كفاية ان المدير العام المبجل بتاعنا ..كلم الدكتور مدير العناية بتاعتنا (المبجل بردو) وقالو مالكش دعوة بالواد دا - اعتبرو ماجاش - .. بس طبعا الحمد لله علاقتي ممتازة مع زملائي الأكبر وباخدمهم كويس عشان يعلموني كويس ومليش بركة الا الناس بالأصول والأدب
أما اللي بيتطاول عليا من أي حد مريض او مرافق او مدير ..أو غيرو باديلو بالفرجلي .. والله والله والله .. هوا دا الاسلوب اللي بينفع هنا في مصر والواحد مش هاياخد حقو بالشكاوي واللجوء للمسئولين .. أصلا هما فاسدين وحرامية .. الواحد بس يقعد مع نفسو شويه ويفكر ويألوظ الخاذوق ويتوكل على الله ويرشقو صح ..ويبتسم وعلى ربك الباقي -
لذلك أنا لا أضع اللوم في موضوع الاطباء اللي متعسفين دول في الوزارة الا عليهم هم .. هم من رضو بهذا التحقير .. وادو قفاهم لكلاب الوزارة ...ليييييييه .. اللي اداهم حاجه ياخدها منهم .. سامحوني ماهو دول وأمثالهم من جرؤوا الناس علينا بسبب الاستكانة والضعف والمذلة اللي بيقابلو بيها تجاوزات من حولهم ... ماهم دول اللي لما عايسافرو برة ويجي بدوي متخلف ينداهلو يقولو يا(ولد) هايرد عليه وقولو نعم ياباشا
هوا راح ولا جه موظف وخد جزاه ... يعبرهم ليه بالجزمة ويروح مكاتبهم .. بدل ما يقعد ويفكر ازاي يخوزق المحافظ بتاعو ومدير مستشفاه ووكيل وزارتو كدا من تحت لتحت ... يدور فأي تذاكر ويصور أي مخالفة أو بلوة في السكرته كدا وما أكترهم في مستشفياتنا القذرة - ويبعتها بردو لأي صحيفة أو وسيلة اعلام من الشرقانين على اي فضيحة يعملوها موضوع ومادة اعلانية والنت أهو ببلاش
دول ناس قليلين الحيلة ويستاهلو ..
مع الشكر




انا نقلت الموضوع كما هو مع وجود بعض الاخطاء الاملائية
للدلالة على ما حال اليه الاطباء من مستوى